Олунньу 13 кунугэр Саха сиригэр ийэ тыл уонна сурук-бичик кунунэн биллэриллибитэ. Бу кун төрөөбүт сахабыт тылын сайдыытыгар сүдү кылааты киллэрбит Семен Андреевич Новгородов – бастакы лингвист учуонай төрөөбүт күнүгэр ылыллар. Итинэн сиэттэрэн биһиги Педагогическай институт үһүс куурсун устудьуоннара «Тыл баар – бараммат баай» диэн ааттаах кафедралар икии ардыларынааҕы өй-санаа күрэҕин тэрийэн ыыттыбыт. Салайааччыбыт алын сүһүөх үөрэхтээһин кафедратын преподователэ Евдокия Эдуардовна Сидорова.  Тэрээһиммитигэр төрөөбүт тылбытын устудьуон оҕолорбут төһө бэркэ билэллэрин сыаналаабыппыт. Ким дьоҕурдааҕа бу күрэхпитигэр тутатына көстүбүтэ.

Оонньууга уопсайа биэс кафедра хамааанда тэрийэн кытыннылар, ол курдук: ДО, НО, СДО, ПППиУО уонна СП.

Үс түһүмэхтээх тэрээһиҥҥэ бэйэлэрин билиилэрин үрдүк таһымын көрдөрөн, алын сүһүөх үөрэхтээһин кафедратын хамаандата кыайыыны ситистэ. Кыайыылаах хамаандаттан бэрт кыранан хааллылар Специальнай дефектологическай үөрэхтээһин кафедратын устудьуоннара. Чуолаан бэлиэтиибит бэйэтин билиитин чаҕылхайдык көрдөрбүт маҥнайгы курс устудьуонун Афанасьева Туйаараны.