Бэҕэһээ, кулун тутар 12 күнүгэр, ХИФУ Сурук-бичик түмэлин үлэһиттэрэ Орто Өлүөнэ очуостарыгар баар былыргы дьон уруһуйдарын уонна рунатыҥы бичиктэри көрдүбүт. 
Охранан уруһуйдаммыт буолан, сүүһүнэн сыллары уҥуордаан, бүгүҥҥү күҥҥэ диэри сүппэккэ-симэлийбэккэ тиийэн кэлбиттэр. Уруһуйдар, сабаҕаланарынан, эрдэтээҥи тимир үйэҕэ биһиллибиттэр. Олортон муҥутуур кэрэхсэбиллээхтэрэ бүтэһик хаартыскаҕа – киһи тоҕус халлааннаах Үрүҥ Айыыга сүгүрүйэн, икки илиитин өрө уунан турар. Бу туһунан маҥнай Окладников А. П. "История Якутской АССР" суруйбута.
Бу уруһуйдар уонна сурук-бичик - сахалар мээнэ төрдө-төбөтө суох омук буолбатахпытын, туһунан сайдыылаахпытын, ураты историялаахпытын кэрэһэлиир. Билигин бу ураты көстүүнү төһө кыалларынан харыстыы сатыаҕыҥ.