М.К. Аммосов аатынан Хотугулуу-Илиҥҥи бэдэрээссийэлии үнүбэрсиэт

Арассыыйа Бэдэрээссийэтин Хотугулуу-Илиҥҥи олохтоох омуктар тылларын уонна култуураларын үнүстүүтэ

Саха тылын хаапыдырата

ИҺИТИННЭРИИ СУРУК

Төрөөбүт тылга, сурукка-бичиккэ аналлаах дэкээдэ чэрчитинэн сахалыы таба суруйуу үөрүйэҕин олохсутар, иҥэрэр сыаллаах «Сахалыы дьыктаан» диэн аахсыйа ыытыллар. Аахсыйаҕа үөрэҕиттэн, кууруһуттан тутулуга суох М.К. Аммосов аатынан Хотугулуу-Илиҥҥи бэдэрээссийэлии үнүбэрсиэт устудьуоннара баҕа өттүнэн кытталлар. Дьыктааны суруйууну Хотугулуу-Илиҥҥи норуоттар тылларын, култуураларын үөрэтэр үнүстүүт саха тылын хаапыдыратын учууталлара тэрийэллэр.

Ыытыллар кэмэ: 2024 с., олунньу 6 күнэ, күнүс 16 чаастан.

Ыытыллар сирэ: ХИБҮ Кылаабынай куорпуһун 229, 233, 245, 424 кэбиниэттэрэ.

Дьыктааны суруйуу түмүгэ олунньу 21 күнүгэр биллиэҕэ. Уhулуччу билиилээх кыттааччылар дьупулуомунан бэлиэтэниэхтэрэ. Бары кыттааччыларга туоhу сурук туттарыллыаҕа.

Билс.төл.: 496748.

Кэлиҥ, кыттыҥ, бэйэҕит төрөөбүт сахаҕыт тылынан төһө сөпкө суруйаргытын бэрэбиэркэлэниҥ! 

Тэрийэр бөлөх

М.К. Аммосов аатынан Хотугулуу-Илиҥҥи бэдэрээссийэлии үнүбэрсиэт устудьуоннарыгар сахалыы дьыктааны ыытыы

балаһыанньата

1.  Уопсай балаһыанньа

1.1   Бу балаһыанньа ХИБҮ-гэ сахалыы дьыктааны ыытыы сыалын-соругун, усулуобуйатын, бэрээдэгин быһаарар.

1.2   Дьыктааны ыытыы сыала-соруга:

                    - сахалыы таба суруйуу үөрүйэҕин олохсутуу, иҥэрии;

                    - ХИБҮ устудьуоннарын төрөөбүт тылынан таба суруйар таһымнарын үрдэтии;

                    - саха тылын баайын билиини ситиһии.

1.3  Бакылтыаттар дэкэнээттэрэ (үнүстүүттэр дириэктэрээттэрэ) дьыктаан суруллар күнүгэр хас биирдии бакылтыаттан (үнүстүүттэн) устудьуоннар баар буолалларын хааччыйаллар.

1.4  Дьыктааны ыытыыны, бэрэбиэркэни Хотугулуу-Илиҥҥи норуоттар тылларын, култуураларын үөрэтэр үнүстүүт саха тылын хаапыдырата тэрийэллэр.

1.5   Дьыктааны үөрэҕиттэн, кууруһуттан тутулуга суох устудьуон барыта суруйар.

2.  Дьыктааны ыытыы бэрээдэгэ

2.1    Бэлэмнэнии түһүмэҕэ

            2.1.1 Саха тылын хаапыдыратын учууталлара 120-150 тыллаах дьыктаан тиэкиһин бэлэмнииллэр.          

2.1.2 Суругунан үлэни сыаналааһын кэриҥэ хаапыдыраҕа бигэргэнэр (сыһыарыыны көр).

            2.1.3 Дьыктааны ааҕар, бэрэбиэркэлиир учууталлар ананаллар.

2.2   Тэрийии түһүмэҕэ                                                                             

           2.2.1 Сахалыы дьыктааны суруйуу төрөөбүт тыл, сурук-бичик күнүн чэрчитинэн ыытыллар.

           2.2.2 Дьыктааны суруйуу кэмэ – 35 мүнүүтэ.

           2.2.3 Дьыктааны суруйуу бэрээдэгэ:

-    кумааҕыны түҥэтии, былааҥканы толоруу;

-    дьыктааны суруйуу сыалын-соругун, бэрээдэгин билиһиннэрии;

-    дьыктааны суруйуу: 1) тиэкиһи бүтүннүү ааҕыы, 2) этиилэринэн ааҕыы;

-    дьыктааны бүтүннүү хос ааҕыы;

-    дьыктааны бэйэ бэрэбиэркэлэниитэ.

2.3 Түмүктүүр түһүмэх

          2.3.1 Бигэргэммит кэриҥҥэ олоҕуран дьыктаан бэрэбиэркэтэ.

          2.3.2 Дьыктаан алҕастарын ырытыы.

          2.3.3 Бэрэбиэркэ биэдэмэһин толоруу.

          2.3.4 Устудьуоннарга дьыктаан алҕастарын быһаарыы (анал күҥҥэ).

          2.3.5 Саха тылыгар уһулуччу билиилээх устудьуоннары наҕараадалааһын.