Олунньу 25 күнүгэр Аҕа дойдуну көмүскээччилэр күннэринэн сибээстээн СИМК-13 группа бэйэтин хаапыдыратын уолаттарыгар "Кулинарный поединок" диэн күрэхтэһии тэрийэн ыытта. Уопсайа иккилии киһилээх биэс хамаанда кыттыыны ылла. Дьүүллүүр сүбэҕэ Борисова Айталина Андриановна (хаапыдыра сэбиэдиссэйэ, Айан Трэвел уонна Кафе-класс дириэктэрэ), Михайлов Матвей Николаевич (хаапыдыра преподавателэ, Кафе-класс сэбиэдиссэйэ), Андрианова Надежда Васильевна (Кафе-класс маастар буобара) олордулар. Кыттааччылар салаат астаатылар, бэлимиэн тиэстэтин оҕустулар, фруктаттан дьуос уонна чыычаах оҥордулар.

Оонньуу түмүгэр 1 миэстэни ТОТТУ-12 бөлөх устудьуоннара ыллылар. Кыайыылаах хамаанда чилиэннэрэ - Петр Строчков, Вадим Филиппов. 2 миэстэҕэ СС-15 бөлөх (Иван Осипов, Алексей Унаров), 3 миэстэҕэ ТОТТУ-14 (Филипп Кондратьев, Дьулус Варламов), СИМК-14 (Юрий Новгородов, Алексей Сунтаров), ТОТТУ-13 (Костя Васильев, Авксентий Капитонов) таҕыстылар.

Күрэх генеральнай спонсора Айан Трэвел; спонсордар: Cinnabon, Wafl, Спарта атлетическай киин. Тэрээһин олус сэргэхтик, көхтөөхтүк ааста.