- 26 Января 2016
- 659
Саха литературатын хаапыдыратын нэдиэлэтээҕи сонуннара уонна былаана
Быйыл “Арассыыйа норуоттарын литературалара (саха литературата)” диэн хаапыдыра аспирантуратын программата аккредитацияны ааһыахтаах.
Тохсунньу 22 күнүгэр Суорун Омоллоон аатынан опера уонна балет судаарыстыбаннай театрыгар “От Года литературы – к читающей стране” диэн литература сылын түмүктүүр тэрээһин буолан ааста. Хаапыдыра үлэһиттэрэ уонна устудьуоннар тэрээһиҥҥэ сырыттыбыт.
Тохсунньу 25 күнүгэр быйыл үөрэҕи бүтэрээччилэргэ үлэ миэстэтин булунуу бастакы түһүмэҕэ буолан ааста. Литература хаапыдыратын выпускниктара үөрэхтэрин маҕыыстыр программаларыгар салгыыр баҕалаахтарын биллэрдилэр.
Тохсунньу ый 29 күнүгэр киэһэ 5 чаастан Саха Республикатын национальнай библиотекатын историческай саалатыгар “Сэргэлээх уоттара” литературнай түмсүү көлүөнэлэр алтыһар, литература сылын түмүктүүр дьоро киэһэни тэрийэр. Кэлэн сылдьаргытыгар ыҥырабыт.