Убаастабыллаах үөрэнээччилэр, устудьуоннар, маҕыстырааннар, аспырааннар, эдэр учуонайдар уонна идэлээхтэр!

 “БИЛИМ-2020” үөрэнээччилэр, устудьуоннар, маҕыстырааннар, аспырааннар эдэр учуонайдар уонна идэлээхтэр өрөспүүбүлүкэтээҕи билим кэмпириэнсийэлэригэр көхтөөх кыттыыны ыларгытыгар ыҥырабыт.

Буолар күнэ: 2020 сыл кулун тутар 28 күнэ.

Буолар сирэ: Дьокуускай куорат, ХИБҮ, Кулаковскай аат. уул., 42,  Арассыыйа Бэдэрээссийэтин Хотугулуу-Илиҥҥи норуоттарын тылларын уонна култуураларын үнүстүүтэ.

Кэмпириэнсийэ сыала-соруга:

• Эдэр ыччаты билим эйгэтигэр угуйуу;
• Үөрэнээччилэргэ, устудьуоннарга, маҕыстырааннарга, аспырааннарга, эдэр учуонайдарга чинчийэр үлэ үөрүйэҕин иҥэрии;
• Ийэ тыл билим эйгэтигэр туттуллуутун кэҥэтии;
• Кэнчээри ыччаты ийэ тылын харыстыырга, таптыырга угуйуу.

Чинчийии хайысхалара:

• Билиҥҥи саха тылын чинчийии.
• Айымньы тылын-өһүн, истиилин чинчийии.
• Сибиир уонна Уһук Илиҥҥи норуттар болкулуордара: чинчийии, харайыы уонна тарҕатыы.
• Литэрэтиирэ – ийэ тыл сүөгэйэ-сүмэтэ.
• Култуура уонна искуустуба кэрэ эйгэтэ.
• Эрэгийиэн култуурата: туруга, инники кэскилэ.
• Эдэр ыччаты кытта үлэни тэрийии
• Хотугу олохтоох аҕыйах ахсааннаах норуоттар тыллара уонна литэрэтиирэлэрэ.
• Тылбаас эйгэтигэр саха тылын туттуллуута.
• Сиэрбис уонна өҥө эйгэтэ.
• Саха сирин туризмын сайдар кэскилэ.
• Билим ситиһиитэ ийэ тылбынан.
• Ийэ тыл уонна аныгы тэтимнээх олох: Интэриниэт, көмпүүтэр, социальнай ситим эйгэтэ, киинэ уо.д.а.
• Саха тылын, литэрэтиирэтин оскуолаҕа үөрэтии кыһалҕалара, суолу тобулуу ньымалара.
• Төрүт култуура – оҕо ис айылгытын сайыннарар үөрэх.
• Аан дойду уус-уран култууратын үөрэтии түөрүйэтэ уонна мэтиэдикэтэ.
• Төрөөбүт тылы үөрэтии ньымата уонна билиҥҥи кэм
• Саха Өрөспүүбүлүкэтин култуурунай-имиджевэй ис кыаҕа.
• Гуманитарнай билим сайдар кэскилэ.
• Yakutia: the past, the present, the future

• “Мин сахалыы билэбин” саха тылын саҥа үөрэтээччилэрин сиэксийэтэ.