1904-1976 с.

Саха Республикатын народнай поэта

---

Саха Республикатын народнай поэта Серафим Романович Кулачиков-Эллэй 1904 с. Сэтинньи 29 кунугэр Таатта улууһугар төрөөбүтэ. Айар улэтин нуучча революционнай маассабай ырыаларын тылбаастааһынтан саҕалаабыта.

Ырыа тылларын суруйар поэт. Саха поэзиятыгар инверсияны киллэрбитэ. Xohooннopy сэргэ поэма жанрыгар улэлэһэрэ. Олортон Гражданскай сэрии тиэмэтигэр арыйар "Буурҕа, буулдьа дьылыгар" поэмата ордук чорбойор.

Биир кэмҥэ саха фольклорун утаран улаханнык туруна сырыттар даҕаны, ол сыыһатын өйдөөн, "Чурум-Чурумчуку" курдук уһулуччу табыллыбыт остуоруйа-поэманы суруйбута.

Кини айымньылара нууччалыы, сэбиэскэй норуоттар тылларынан элбэхтик бэчээттэммиттэрэ, сорох айымньылара немецтии, французтуу, гректии, китайдыы, арабтыы тылбаастаммыттара. Эллэй саха поэзиятын Союз, аан дойду таһымыгар таһаарсыбыта.

ССРС уонна Саха Республикатын суруйааччыларын союһун бырабылыанньатын чилиэнэ этэ, ССРС уонна РСФСР суруйааччыларын съеһин делегаттарынан, ССКП обкомун чилиэнинэн талылла сылдьыбыта.

Аҕа дойдуну көмүскүүр Улуу сэрии кыттыылааҕа.

Октябрьскай Революция, Улэ Кыһыл Знамята, Норуоттар доҕордоһуулара, "Бочуот Знага" уордьаннарынан, сэрии уонна улэ мэтээллэринэн наҕараадаламмыта.

1938 с. ССРС суруйааччыларын союһун чилиэнэ. 1976 с. ахсынньы 14 күнүгэр ыалдьан өлбүтэ. Дьокуускайга көмүллүбүтэ.