«Удьуор утум – олоҥхобутугар»

     Муус устар 3 күнүгэр Кэбээйи улууһун 2 Лүүчүн нэһилиэгин Мастаах орто оскуолатыгар «Удьуор утум – олоҥхобутугар» республикатааҕы научнай-практическай конференция буолан ааста. Конференцияҕа суол-иис уустук буолан быйыл чугастааҕы нэһилиэктэртэн кытыннылар. Конференция икки бөлөххө арахсан үлэлээтэ: «Олоҥхо тирэх сыаннастара – саха тылынан», «Олоҥхо тирэх сыаннастара – нуучча уонна омук тылларынан». Бу тэрээһин чэрчитинэн “Олоҥхоһут уол оҕо” олоҥхону эдэр толорооччулар күрэхтэрэ уонна «Аман өс» ыытылынна. Күрэхтэргэ оскуола иннинэ саастаах, алын, орто уонна улахан сүһүөх кылаас оҕолоро кытыннылар, сүрүн сыаналааччынан Олоҥхону чинчийэр институт «Эпос уонна этническай история» сектор сэбиэдиссэйэ Гоголева Марина Трофимовна, «Олоҥхо уонна аан дойду атын эпостара» сектор сэбиэдиссэйэ Герасимова Лилия Николаевна уонна Кэбээйи улууһун үөрэҕин салалтатын начальнигын эбээһинэһин толорооччу Васильева Антонина Ильинична үлэлээтилэр. Уопсайа сүүстэн тахса оҕо кытынна, үөрэнээччилэр олоҥхоҕо сыһыаннаах олус интэриэһинэй дакылааттары бэлэмнээбиттэр. Конференция кыттааччыларга туоһу суруктар, дипломнар туттарыллыытынан, “Сарыал” култуура киинигэр режиссер Саввинов А. Д. туруорбут уонна уус-уран самодеятельность кэлэктиибэ кыттыылаах «Биэ уола Бэйбэлдьин тулаайах» испэктээгинэн түмүктэннэ.