Байым тыл

guk_letom3.jpg

«Байым тыл» көнүл түмсүү

Биhиги аадырыспыт: 677000 Дьокуускай к. Кулаковскай уул. 42 №-рэ., СГУ Кылаабынай корпуhа, 219 хос. 

Билсэр тел.: 8 (4112)49-67-50 

Электроннай аадырыспытksip@mail.ru

Саха государственнай университет Учуонай Сэбиэтин 1996 с. тохсунньу 31 к. Уурааҕынан 1996-97 үөрэх дьылыгар университет факультетыгар, институтугар барытыгар саха тылын талан үөрэтэр куурус киирбитэ. Бу кууруһу саха тылын уонна культуратын факультетын сахалыы истилиистикэ уонна тылбаас хаапыдыратын преподавателлэрэ ыыталлар. Сахалыы тыллаах устудьуоннар ийэ тылынан ыраастык саҥара, идэлэрин тылын сахатыта, оттон нууччалыы тыллаах оҕолор сахалыы саҥара, суруйа үөрэнэллэр. Манна эдэр кафедра университет устудьуоннарын үс араас анал ньыманан, программанан, кинигэнэн үөрэтэр: сахалыы үчүгэйдик саҥарар – салгыы үөрэтэр бөлөх; сахалыы өйдүүр, кыралаан саҥарар – орто бөлөх; нуучча эбэтэр атын тыллаах – алын бөлөх. СГУ 12 салаатыгар барыта 1300 кэриҥэ устудьуон саха тылын талан үөрэтэр.

2004 с. сахалыы истилиистикэ уонна тылбаас кафедрата бу үлэтин хайысхатынан университет бары салаатын устудьуоннарын хабар «Байым тыл» диэн (салайааччы: ф.н.к. С.П. Васильева) көҥүл түмсүүнү саха тылын сырдатар, тарҕатар, сайыннарар сыаллаах тэрийбитэ. Түмсүү үлэтин иһинэн араас таhымнаах научнай конференция, анал күрэх, тыл олимпиадата, дорҕоону таба саҥарыы о.д.а күрэхтэһии ыытыллар.

Кафедра преподавателлэрэ саха тылын билиэн, үөрэтиэн, билиитин дириҥэтиэн баҕалаах устудьуоннарга сүбэ-ама биэрэргэ, көмөлөһөргө бэлэмнэр.