Үнүбэрсиэт үрдүнэн ыытыллар “Аман өс” күрэх балаһыанньата

М.К. Аммосов аатынан Хотугулуу-Илиҥҥи бэдэрээссийэлии үнүбэрсиэт

Арассыыйа Бэдэрээссийэтин Хотугулуу-Илиҥҥи олохтоох омуктар тылларын уонна култуураларын үнүстүүтэ

Саха тылын хаапыдырата

 

 

 

Үнүбэрсиэт үрдүнэн ыытыллар “Аман өс”

күрэх балаһыанньата

 

 

Күрэх М.К. Аммосов аатынан ХИБҮ иһинэн ыытыллар. Төрөөбүт тыл уонна сурук-бичик күнүгэр ананар.

 

Сыала-соруга. Күрэх төрөөбүт тыл, төрүт култуура өйдөбүлүн, суолтатын үрдэтиигэ, билиини хаҥатыыга ананар. Устудьуон төрөөбүт тылынан ситимнээн, сааһылаан саҥарар, тыл этэр, истээччигэ санаатын тириэрдэр дьоҕурун тургутан көрөр, ону тус бэлиэтиир сыаллаах-соруктаах бу күрэх ыытыллар.

 

Күрэх кыттааччылара.

Күрэххэ ХИБҮ бары бакылтыатыттан, үнүстүүтүттэн биирдии устудьуон кыттар. Күрэх үс бөлөҕүнэн наарданан ыытыллар:

1.      Гуманьытаарынай бөлөх: ФЛФ, ИЗФиР, ИФ, ПИ, ИП, ФЭИ, ЮФ, ИЯКН СВ РФ.

2.      Естественнэй бөлөх: ИЕН, ИМИ, ФТИ, МИ, ИФКиС.

3.      Техническэй бөлөх: АДФ, ГФ, ГРФ, ИТИ, ТИ.

 

Күрэх хаамыыта.

Тыл этиитэ икки түһүмэхтээх:

I түһүмэх – “Төрөөбүт төрүт тыл” тиэмэҕэ тыл этии (2-3 мүн.)

               II түһүмэх – тута бэриллибит тиэмэҕэ тыл этии (2-3 мүн.)

 

Күрэх ирдэбилэ.

Устудьуон тыл этэр дьоҕурун, кыаҕын, уһулуччутун талан ыларга маннык ирдэнэр:

1.      Тыл этээччи саҥатын-иҥэтин тиэрдэр ньымалара.

2.      Тыл этээччи талбыт тиэмэтин толору арыйар дьоҕура.

3.      Тыл этиитин тиэхиньикэтэ: тыл этээччи таҥаһа-саба, интэнээссийэтэ, дииксийэтэ, этэр тэтимэ, куолаһын дэгэтэ.

Кыттааччы сахалыы таҥастааҕа биһирэнэр.

 

Күрэх кыайыылаахтарын быһаарыы.

Икки түһүмэх тус-туһунан сыаналанар. Бөлөх аайы түһүмэхтэр уопсай баалларынан кыайыылаахтары быһаарыллар.

Күрэххэ кыттыбыттарга туоһу сурук, кыайыылахтарга диплом, анал аат хаһаайыннарыгар грамота, бириис бэриллэр.

 

 

 

Ыытыллар сирэ: ГУК, 237 ауд. (2 этээс) .

Буолар күнэ, кэмэ:олунньу ый 11 күнэ, 2020 сыл, 16.00 чаастан

Тэрийээччилэр: Саха тылын хаапыдырата, ХИБҮ Номуукалыы бибилэтиэкэтэ

Билсиһэр сибээс: 49-67-48, 402, ГУК, 204 кэб.