В.Н. Протодьяконов олоҕор уонна айар үлэтигэр аналлаах быыстапка.

Студент аймах тапталлаах учуутала, П.А. Ойуунускай аатынан судаарыстыбаннай бириэмийэ лауреата, Саха республикатын үөрэҕириитин үтүөлээх үлэһитэ, «Учууталлар учууталлара», «Гражданскай килбиэн» бэлиэ хаһаайына, үлэ-тыыл бэтэрээнэ Василий Никитич Протодьяконов сырдык кэриэһигэр “Кыым саҕахтара, суолдьут сулус Баһылай Бырдьахаанап” диэн ахтыы кинигэтэ бэчээттэнэн таҕыста. Кинигэни В.Б. Окорокова уонна Е.М. Поликарпова хомуйан оҥордулар. Бу кинигэҕэ Василий Никитич аймах-билэ дьонун , биир дойдулаахтарын, доҕотторун, бииргэ үлэлээбит кэллиэгэлэрин, үөрэппит ыччатын ахтыылара киирдилэр. ХИФУ Учуонай саалатыгар ахсынньы 13 күнүгэр кинигэ сүрэхтэниитэ буолла.

Научнай библиотека «Умайар киһи уматар...» диэн Василий Никитич олоҕор уонна айар үлэтигэр аналлаах быыстапка тэрийдэ. Манна кини монографиялара, ыстатыйаларын хомуурунньуктара, үөрэх кинигэлэрэ уонна методическай пособиелара турдулар.