Убаастабыллаах үөрэнээччилэр, устудьуоннар, маҕыстырааннар, аспырааннар, эдэр учуонайдар уонна идэлээхтэр!

 “БИЛИМ-2023” үөрэнээччилэр, устудьуоннар, маҕыстырааннар, аспырааннар эдэр учуонайдар уонна идэлээхтэр өрөспүүбүлүкэтээҕи билим кэмпириэнсийэлэригэр көхтөөх кыттыыны ыларгытыгар ыҥырабыт.

Буолар күнэ, кэмэ: 2023 сыл кулун тутар 25 күнэ, 10 ч.00 м.

Кэмпириэнсийэ сыала-соруга:

-          Эдэр ыччаты билим эйгэтигэр угуйуу;

-          Үөрэнээччилэргэ, устудьуоннарга, маҕыстырааннарга, аспырааннарга чинчийэр үлэ үөрүйэҕин иҥэрии;

-          Ийэ тыл билим эйгэтигэр туттуллуутун кэҥэтии;

-          Кэнчээри ыччаты ийэ тылын харыстыырга, таптыырга угуйуу.

Кэмпириэнсийэ билим хайысхата:

-                Билиҥҥи саха тылын чинчийии.

-                Сибиир уонна Уһук Илиҥҥи норуттар болкулуордара: чинчийии, харайыы уонна тарҕатыы.

-                Саха литэрэтиирэтин сүрүн боппуруостара.

-                Кэм-литэрэтиирэ-төрүт үгэс.

-                Култуура тиһигэр ускуустубаны үөрэтии.

-                Эрэгийиэн култуурата: туруга, инники кэскилэ.

-                Эрэгийиэннэ ыччаты кытта үлэни тэрийии: саҥа көрүү, хайысха.  

-                Хотугу олохтоох аҕыйах ахсааннаах норуоттар тыллара уонна литэрэтиирэлэрэ.

-                Тылбаас эйгэтигэр саха тылын туттуллуута.

-                Туризм уонна өҥө эйгэтэ: култуурунай-историческай ис кыах уонна сайдар кэскил.

-                Билим ситиһиитэ ийэ тылбынан.

-                Билиҥҥи кэмҥэ ийэ тыл, култуура үөрэҕин кыһалҕатын, ньыматын быһаарыы  мөккүөрдэрэ.

-                Аан дойду уус-уран култууратын үөрэтии түөрүйэтэ уонна мэтиэдьикэтэ: былыргыттан билиҥҥи кэмҥэ дылы.

-                Саха Өрөспүүбүлүкэтин култуурунай-имиджевэй ис кыаҕа.

-                Гуманитарнай билим сайдар кэскилэ (аспырааннар уонна соискателлэр сиэксийэлэрэ).

-                “Мин сахалыы билэбин” саха тылын саҥа үөрэтээччилэрин сиэксийэтэ.

-                Төрөөбүт тылы уонна литэрэтиирэни оскуолаҕа үөрэтии мэтиэдьикэтэ (эдэр учуутал сиэксийэтэ)

Кэмпириэнсийэ ыытыллар тыла: саха уонна нуучча тыла, хотугу олохтоох аҕыйах ахсааннаах норуоттар тыллара, түүр тыла

Дакылаат кэмэ-кэрдиитэ: 5-10 мүнүүтэ

Кыттыы көрүҥэ: истэн уонна кэтэхтэн, тэйиччиттэн кыттааччыга туспа сиэксийэ үлэлиэ.

Сиһилии бу сигэнэн көрүҥ: "Билим-2023" иһитиннэрии сурук