-
-
349
13.12.2018 15:28:07 - Распечатать
Ахсынньы 11 күнүгэр үнүстүүппүт устудьуоннарын идэлээх сойуустарын бэрэссэдээтэлин быыбара буолла. Бу дуоһунаска бэйэлэрин кандидатураларын иккис кууруһун устудьуоннара Сергей Нафанаилов (ЯО-17), Олег Сергучев (ПО-САО-17) туруоруммуттара.
Быыбарга М.К.Аммосов аатынан үнүбэрсиэт устудьуоннарын идэлээх сойууһун бэрэссэдээтэлин солбуйааччы Ульяна Иванова, устудьуоннар доруобуйаларын тургутар уонна успуорт үлэтигэр бэрэссэдээтэли солбуйааччы Светлана Колодезникова, маассабай-тэрийэр үлэ бэрэссэдээтэлэ Александр Румянцев кытыннылар. Быыбары устудьуоннар социальнай-экономическай өттүнэн харыстабыллаах буолууларын хааччыйар үлэҕэ бэрэссэдээтэли солбуйааччы Андрей Винокуров тэрийэн ыытта.
Уопсайа 86 мандат кытынна. Куоластааһын түмүгүнэн Сергей Нафанаилов 60 куолаһы ылан кыайда. Саҥа бэрэссэдээтэл: «Миэхэ куоластаабыт дьоҥҥо улахан махталбын тиэрдэбин. Үнүстүүппүт аатын ааттата, сырдыкка тарда туруом диэн эрэннэрэбин», - диэтэ.
Ол курдук, устудьуоннар ааттарыттан Сергей Нафанаиловка уопсастыбаннай үлэтигэр, тус олоҕор үрдүк ситиһиилэри баҕарабыт.