Сэтинньи 24 күнүгэр биһиги үнүстүүппүтүгэр «Норуот поэта П.Н.Тобуруокап айар үлэтэ уонна XX үйэ иккис аҥарыгар Саха сирин норуоттарын литератураларын проблемалара, уус-уран көрдөөһүннэр» диэн өрөспүүбүлүкэтээҕи научнай-практическай кэмпириэнсийэ ыытылынна. Үнүбэрсиэт устудьуоннарын таһынан кэтэхтэн Дьокуускай куорат, Үөһээ Бүлүү, Уус Алдан, Таатта оскуолаларыттан оҕолор, учууталлар кытыннылар. Уопсайа 90-ча киһи П.Н.Тобуруокап олоҕун, айар үлэтин туһунан дакылаат оҥордо.

Барыта холбоон 5 сиэксийэ үлэлээтэ. Пленарнай мунньахха эҕэрдэ тылы эттилэр ХИФУ научнай-чинчийэр үлэҕэ проректора, б.н.к. Кривошапкин К.К., СӨ үөрэҕин уонна наукатын миниистирин 1-кы солбуйааччы, геогр.н.д. Присяжнай М.Ю., Ил Түмэн судаарыстыбаннай мунньах депутата, ф.-м.н.д. Шамаев И.И., ХИНТуоК үнүстүүтүн директора, ф.н.к. Торотоев Г.Г., «Үөһээ Бүлүү» МТ баһылыгын солбуйааччы Тойтонова Л.С., пленарнай дакылааты саха литературатын кафедратын профессора, ф.н.д. Сивцева-Максимова П.В. оҥордо, маны таһынан Саха сирин суруйааччыларын сойууһун чилиэнэ, суруйааччы, П.Тобуруокап аймаҕа Гольдерова С.В. тыл эттэ, хоһоонун аахта.

Кэмпириэнсийэ түмүгүнэн экспердэр сиэксийэ аайыттан 5-тии бастыҥ дакылааты таллылар. I сиэксийэ - «Күндүттэн күндүнү – олоҕу туойбутум…», экспердэр - Сивцева-Максимова П.В., ф.н.д., профессор, Ноговицын А.П., магистрант, сэкирэтээр – Андреева Л.В., магистрант: 3 миэстэ – Иванова Ася (ЛҮ-16), Портнягина Уйгулаана (ЛТ-15), 2 миэстэ – Гладкина Екатерина (ЛҮ-15), Лукина Юлия (ЯО-15), 1 миэстэ – Иванова Кристина (ЛҮ-15). II сиэксийэ - «Петр Тобуруокап олоҕо уонна айар үлэтэ аныгы хараҕынан: ырытыылар, сыаналааһыннар», экспердэр – Окорокова В.Б., ф.н.д., профессор, Молокотин А.И., магистрант, сэкирэтээр – Иванова У.А., магистрант: 3 миэстэ - Эверстова Анна (ЛТ-17), Омукова Сардаана (М-ЯЛ-17), 2 миэстэ – Аманатова Анна (ЛҮ-15), Турнина Варвара (ЛТ-15), 1 миэстэ – Никифорова Констанция (ПО-САО-17). III сиэксийэ - «Петр Тобуруокап айымньыларын тыла-өһө, тылбаас уратылара», экспердэр – Собакина И.В., ф.н.к., доцент, Герасимова Е.С., ф.н.к., доцент, сэкирэтээр – Филиппова А.А., магистрант: 3 миэстэ – Филиппова Аяна (М-ПДЛ-16), Сидорова Айыына (РЯП-16), 2 миэстэ – Гурьев Александр (М-СИТСЯ-17), 1 миэстэ – Бурцева Алина (РЯП-15). IV сиэксийэ - «XX үйэтээҕи саха литературатын историята: поэтика уонна уус-уран көрдөөһүннэр», экспердэр – Григорьева Л.П., ф.н.к., доцент, Константинова Т.А., магистрант, сэкирэтээр – Степанова В.Е., магистрант: 3 миэстэ – Егорова Татьяна, Уарова Милена (РЯП-16),  Миронова Элеонора, Местникова Анастасия (ЛҮ-16), 2 миэстэ – Афанасьева Дайаана (ЛТ-17), Халгаева Нюргуяна (МТЛК-17), 1 миэстэ – Адамова Светлана, Рязанская Арина (ЯО-16). V сиэксийэ - «Үөрэх кыһатыгар П.Тобуруокап айар үлэтин үөрэтии методиката», экспердэр – Попова М.П., ф.н.к., доцент, Монастырева Н.В., магистрант, сэкирэтээр – Павлова С.В., магистрант: 3 миэстэ – Кондратьева Сардаана (ПО-САО-15), Егорова Элеонора (ЛҮ-17), 2 миэстэ – Иванова Кристина (ПО-САО-14), Николаева Валентина (ПО-САО-14), 1 миэстэ – Мигалкина Валентина (ПО-САО-14). Кэмпириэнсийэ кыайыылаахтарын эҕэрдэлиибит, үөрэхтэригэр, наукаҕа үрдүк ситиһиилэри баҕарабыт!