Новости

  • 9 Февраля 2016
  • 895

“Тыл оонньуутун” түмүгэ

Олунньу 8 күнүгэр Төрөөбүт тыл, сурук-бичик күнүгэр аналлаах “Тыл оонньуута” күрэх буолла. Күрэххэ Арассыыйа Хотугулуу-Илиҥҥи олохтоох омуктарын тылларын, култуураларын үнүстүүтүн устудьуоннара кытыннылар. Үнүстүүт хаапыдыраларыттан биэстии устудьуоннаах сэттэ хамаанда күөн көрүстэ. “Тыл оонньуутун” үнүстүүккэ үөрэммит Саха араадьыйатын эрэдээктэрэ Ньургуйаана Ботуева ыытта.  

Оонньуу түмүгэр I миэстэни литэрэтиирэ хаапыдыратын устудьуоннара ыллылар. Кыайыылаах хамаанда чилиэннэрэ – Айаал Молокотин (ЛҮ-12), Анисья Плотникова, Саргылана Иванова (ЛҮ-13), Анна Аманатова (ЛҮ-15), Варя Турнина (ЛТ-15). II миэстэҕэ саха тылын хаапыдыратын, оттон III миэстэҕэ болкулуор уонна култуура хаапыдыратын устудьуоннара таҕыстылар. 

Кыайыылаахтар кырааматанан наҕараадаланнылар, кыттааччыларга туоһу суруктары туттардылар. Тэрээһин олус интэриэһинэйдик, көхтөөхтүк ааста. Күрэхтэн хас биирдии кыттааччы, көрөөччү билиитин хаҥатан, үөрэн-көтөн, дуоһуйан тарҕаста.

 
 
 

Автор: Сардаана Кондратьева, “Ийэ тыл” пресс-киин

Разрешено копирование статей, только при наличии активной (кликабельной) ссылки на страницу-источник сайта Северо-Восточного федерального университета. Ссылка должна находиться непосредственно рядом с материалом, должна быть видимой и прямой (без использования java-скриптов).