«Бэлэм буол+» онлайн түһүлгэтэ, СӨ үөрэҕин уонна наукатын министиэристибэтэ саха тылын уонна литэрэтиирэтин “Үрүҥ эһэчээн” төрдүс олимпиадатыгар актыыбынай кыттыыны ыларгытыгар ыҥыраллар.

Кыттааччылар : Орто оскуола 3-4, 5-6, 7-8 кылаастарын оҕолоро.

Ыытыллар болдьоҕо: сэтинньи 1 күнүттэн 30 күнүгэр диэри.

Олимпиада икки сүһүөхтээх:

·         Сорудахтарга, ыйытыыларга тута он-лайн хоруйдааһын.

·         Бэриллибит тиэмэҕэ сахалыы өйтөн суруйуу.

·         Өйтөн суруйууну сэтинньи 30 күнүгэр диэри iraida_gold@mail.ru почтаҕа ыытаҕыт.

Олимпиадаҕа хайдах кыттабыт?

1.                  www.belembuol.ru онлайн оҕо түһүлгэтигэр регистрацияны ааһыы (төрөппүт эбэтэр учуутал оскуола оҕотун регистрациялыан сөп).

2.                  www.belembuol.ru онлайн түһүлгэҕэ булгуччу сурутууну оҥотторуу.

Сурутуу хаамыыта:

·                    «Сурутуу»-га киирэбит, үстэн биир сурутуу ньыматын талабыт - «Күннэй», «Бэлэм», «Туйгун»;

·                    Талбыт сурутуубутун тута төлүүбүт;

·                    Сурутуулаахтар төлөммүт болдьохторун устата саайка босхо киирэллэр, тургутуктарга, олимпиадаларга кыттар бырааптаналлар.

·                    Учуутал биэстэн элбэх оҕону «Учууталга» киирэн чэпчэтиилээх сурутууну ааһар (бу туһунан ыйыллыбыт төлөпүөнтэн билсиҥ).

«Олимпиада»-ҕа кыттыы хаамыыта:

·                    Сорудахтарга, ыйытыыларга тута он-лайн хоруйдааһын.

·                    Бэриллибит тиэмэҕэ сахалыы өйтөн суруйуу.

·                    Илиинэн суруллубут өйтөн суруйууну сэтинньи 30 күнүгэр диэри “Бэлэм буол+” электроннай почтатыгар belembyol@yandex.ru ыытаҕыт.

Түмүгү таһаарыы болдьоҕо: ахсынньы 8-11 күнэ, belembuol.ru саайка, @belembuol инстаграмҥа ситимигэр тахсыаҕа.

Наҕараадалааһын

·                    Бастакы үс миэстэни ылбыт кыайыылаахтар 1-кы, 2-с, 3-с истиэпэннээх дьупулуомунан уонна бириистэринэн наҕараадаланаллар. Элбэх оҕону кытыннарбыт учууталлары биһирэбил бириистэр күүтэллэр.

Балаһыанньаны манна киирэн билсиҥ