Бу дьыл балаҕан ыйын 27 күнүгэр АБ ХИНТУоКҮ саха тылын истилиистикэтин уонна нууччалыы-сахалыы тылбаас хаапыдыратын 20 сыллаах үбүлүөйүн, аан дойдутааҕы тылбаасчыт күнүн бэлиэтиир үөрүүлээх тэрээһин буолан ааста. Хаапыдыраҕа Т.И. Петрова, М.П. Алексеев-Дапсы, И.Е. Алексеев-Хомус Уйбаан курдук өрөспүүбүлүкэҕэ биллэр-көстөр дьон үлэлээн-хамнаан ааспыттара, эдэр көлүөнэ уһуйааччылар үүнэллэригэр-сайдалларыгар тирэх буолбуттара.

Хаапыдыра төрүттэниэҕиттэн үгүс тылбаасчыты иитэн-үөрэтэн таһаарда, үөрэх-мэтиэдьикэ босуобуйаларын, бырагыраамаларын, билим хомуурунньуктарын бэлэмнээн оҥордо, араас истииллээх ыстатыйалары, айымньылары, үөрэх кинигэлэрин тылбаастаата, үрдүк таһымнаах, сэргэх тэрээһиннэри ыытта. Хаапыдыра 20 сыл устата үлэлээбит үлэтэ өрөспүүбүлүкэҕэ эрэ буолбакка, бүтүн Арассыыйаҕа биллэр буолла.

Тэрээһин үөрүүлээх чааһыгар Т.И. Петрова улахан кыыһа, СӨ нэһилиэнньэтин социальнай көмүскэлин үтүөлээх үлэһитэ Наталья Ивановна Васильева, Ил Түмэн дьокутаата Иннокентий Иванович Романов, ХИБҮ Бэрэсидьиэнин сүбэһитэ Надежда Михайловна Зайкова, ХИБҮ үөрэх салаатын бастакы проректора Алексей Иннокентьевич Голиков, эбии идэтийии үөрэхтээһинин проректора Михаил Прокопьевич Федоров, үнүстүүт дириэктэрэ Гаврил Григорьевич Торотоев, СӨ национальнай оскуолалар үнүстүүтүн дириэктэрэ Светлана Степановна Семенова, “Саха” НКИХ бэрэстэбиитэллэрэ: оҕо биэриилэрин эрэдээксийэтин салайааччыта Елена Петровна Керемясова, “Саха” НКИХ уонна “Мамонт” телеканаллар дириэксийэтин сүрүннүүр эрэдээктэрэ-дириэктэрэ Олег Егорович Колесов, тыл билимин хандьыдаата Михаил Петрович Алексеев-Дапсы о.д.а. ыалдьыттаатылар.

Хаапыдыра 20 сыллаах үбүлүөйүн чэрчитинэн таһаарыылаах үлэлэрин иһин наҕараадаланнылар: Ыччат бэлиитикэтин туйгуна – Ефремова Надежда Анатольевна; Ыччат уонна социальнай сайдыы министиэристибэтин бочуотунай грамотата – Филиппова Айяна Алексановна; Ил Түмэн СӨ Судаарыстыбаннай түмсүү махтал суруга – Васильева Саргылаана Прокопьевна, Винокурова Мария Семеновна; ХИБҮ ректорын бочуоттаах грамотата  – Секова Юлия Александровна; ХИБҮ ректорын махтал суруга – Варламова Анна-Сайдыына Васильевна.

Тамара Ивановна Петрова аатынан анал истипиэндьийэни Дмитриева Аленаҕа (НСТ-16), “Биһиги эрэлбит” үнүстүүт салалтатын анал истипиэндьийэтин Сидорова Айыынаҕа (НСТ-16) туттардылар.