Новости

  • 6 Февраля 2019
  • 615

В.Н. Протодьяконов аатынан саха литературатын кириитикэтигэр анаммыт үлэлэр куонкурустарын БАЛАҺЫАННЬАТА

«М.К. Аммосов аатынан Хотугулуу-Илиҥҥи бэдэрээссийэлии үнүбэрсиэт»

Арассыыйа Бэдэрээссийэтин Хотугулуу Илиҥҥи норуоттарын тылларын уонна култуураларын үнүстүүтэ

Саха литературатын хаапыдырата

 

В.Н. Протодьяконов аатынан саха литературатын кириитикэтигэр анаммыт үлэлэр куонкурустарын

БАЛАҺЫАННЬАТА

 

I. Уопсай балаһыанньа

1.1 В.Н. Протодьяконов аатынан саха литературатын кириитикэтигэр анаммыт үлэлэр куонкурустарын балаһыанньата (салгыы – Куонкурус) Арассыыйа Бэдэрээссийэтин Хотугулуу-Илиҥҥи норуоттарын тылларын, культураларын институтун саха литературатын кафедратыгар оҥоһулунна уонна бигэргэтилиннэ.

1.2 Куонкурус Арассыыйа Бэдэрээссийэтин Хотугулуу-Илиҥҥи норуоттарын тылларын, культураларын институтун иһинэн ыытыллар.

1.3 Куонкуруһу Арассыыйа Бэдэрээссийэтин Хотугулуу-Илиҥҥи норуоттарын тылларын, культураларын института үбүлүүр, маны таһынан биирдиилээн киһи, тэрилтэ кыттыгас үбүлүүрэ – көҥүл.

1.4 Бу балаһыанньа 2019 сыл олунньу “5” күнүгэр саха литературатын кафедратын мунньаҕар бигэргэтилиннэ.

 

II.                Куонкурус сыала-соруга

2.1 Куонкурус М.К. Аммосов аатынан Хотугулуу-Илиҥҥи федеральнай университет (Саха государственнай университета) саха литературатын кафедратыгар 50 тахса сыл айымньылаахтык үлэлээбит доцент, П.А. Ойуунускай аатынан государственнай бириэмийэ лауреата, республикаҕа биллэр литературовед, кириитик, учууталлар учууталлара Василий Никитич Протодьяконов аатын үйэтитэр уонна саха литературатыгар кириитикэни сайыннарар сыаллаах.

2.2 Куонкурус сүрүн соруктара:

-саха билиҥҥи суруйааччыларын айар үлэлэригэр ааҕааччы болҕомтотун тардыы;

- эдэр суруйааччылар, ааптардар айымньыларын ырытан, айар уратыларыгар кэрэхсэбили үөскэтии;

- билиҥҥи литературнай процесс туругун, сайдар хайысхаларын торумнааһын;

- уус-уран литература общество уонна личность олоҕор ылар социальнай суолтатын, оруолун үрдэтии;

- эдэр ыччаты литератураны ырытар, сыаналыыр үлэҕэ тардыы.

 

III.             Куонкуруһу тэрийии бэрээдэгэ

3.1 Куонкуруһу Арассыыйа Бэдэрээссийэтин Хотугулуу-Илиҥҥи норуоттарын тылларын, культураларын институтун саха литературатын кафедрата тэрийэн ыытар.

3.2 Куонкуруһу тэрийии икки түһүмэҕинэн ыытыллар:

1. Куонкуруска кыттар үлэлэри тутуу - 06.02. 2019 с. – 15.04.2019 с.

2. Дьүүллүүр Сүбэ үлэтэ – 16.04.2019 с. – 10.05.2019 с.

 

IV. Куонкурус усулуобуйата

4.1 Куонкуруска Арассыыйа Бэдэрээссийэтин Хотугулуу-Илиҥҥи норуоттарын тылларын, культураларын институтун устудьуоннара кытталлар.   

4.2 Куонкуруска кыттар үлэлэр билиҥҥи саха литературатын айымньыларын ырытыыга эбэтэр билиҥҥи кэм суруйааччытын айар үлэтин сырдатыыга ананаллара ирдэнэр. Үлэ кириитикэ ханнык баҕарар жанрыгар (рецензия, ыстатыйа, литературнай мэтириэт, эссе о.д.а.) суруллуон сөп.

4.3 Куонкуруска авторство иһин толору эппиэтинэһи үлэни ыытааччы сүгэр. Ааптар быраабын кэһии таҕыстаҕына, куонкуруска үлэни киллэрбит киһи эппиэттиир. Маннык түгэҥҥэ тэрийэр бөлөх ханнык да эппиэтинэһи ылыммат. Куонкурска киирбит үлэлэр төннөрүллүбэттэр уонна рецензияламматтар (Дьүүллүүр сүбэ быһаарыытыттан ураты).

 

V. Куонкурус болдьоҕо уонна үлэни киллэрии бэрээдэгэ

5.1 Үлэлэри 2019 с. муус устар «15» күнүгэр диэри ХИФУ Кылаабынай куорпуһугар 209 каб. кэмбиэрдээн, „Куонкуруска“ диэн бэлиэтээн, кыттааччы толору аатын, кууруһун, бөлөҕүн, сибээстэһэр төлөпүөнүн суруйан туттарыллар уонна электроннай барыйаанын sakhaliter@mail.ru аадырыска „Куонкуруска“ диэн бэлиэтээн ыытыллар.

 

VI. Куонкурус түмүгүн таһаарыы

уонна кыайыылаахтары наҕараадалааһын

5.1 Куонкурус түмүгүн таһаарыыга Дьүүллүүр Сүбэ тэриллэр. Дьүүллүүр Сүбэ чилиэннэрэ саха литэрэтиирэтин хаапыдыратын мунньаҕынан бигэргэнэллэр. Дьүүллүүр Сүбэ чилиэннэриттэн бэрэссэдээтэл талыллар. Чилиэннэр биирдии, бэрэссэдээтэл икки куоластыыр бырааптаах.

5.2 Куонкурус түмүгүнэн быһаарыллар:

В.Н. Протодьяконов аатынан критическэй үлэ куонкуруһун кыайыылааҕа – 1 миэстэ;

икки – 2 миэстэ

икки - 3 миэстэ.

5.3 Кыайыылаахтар дьупулуомнарынан, бириистэринэн наҕараадаланаллар, бастыҥ үлэлэр бэчээккэ мэктиэлэнэллэр.

5.4 Куонкурус кыттааччыларыгар туоһу сурук туттарыллар.

5.5 Кыайыылаахтары наҕараадалааһын ыам ыйын 15 күнүгэр оҥоһуллар.

 

Эбии боппуруостары саха литэрэтиирэтин хаапыдыратыттан 209 каб., эбэтэр 496749 төлөпүөнүнэн быһаарсыахха сөп.

 

Автор: Уйгуров Афанасий Афанасьевич

Разрешено копирование статей, только при наличии активной (кликабельной) ссылки на страницу-источник сайта Северо-Восточного федерального университета. Ссылка должна находиться непосредственно рядом с материалом, должна быть видимой и прямой (без использования java-скриптов).