Ахсынньы 8 күнүгэр үөрэх сүрүн куорпуһугар сурук-бичик түмэлигэр "Руна киэһэтэ" диэн олус сэргэх тэрээһин буолан ааста.
    Руна – былыргы түүр тылын суруга-бичигэ. Кини үөскээбитэ төһө да ырааппытын  иһин, билигин даҕаны дьон интэриэһин тардар. Бу күн мустубут эдэр ыччат руна үөскээбит историятыттан саҕалаан билиҥҥи кэмҥэ диэри ханна, хайдах үөрэтиллэрин туһунан кэпсэттилэр.
Кыттааччылар тэрийээччилэр, "Түмэн" түмсүү чилиэннэрэ, руна ойуулаах таҥаһы кэтэн кэлбиттэрин сэргээтилэр. "Руна киэһэтэ" бэйэтин туруорбут сыалын-соругун толору ситтэ. Кэлбит устудьуоннар өбүгэлэрбит былыыр-былыр саҥара сылдьыбыт тылларын кытта сиһилии билистилэр. Өссө да маннык көрсүһүүлэр буола туруохтара диэн эрэллээх тарҕастыбыт.