Быйыл аатырбыт олоҥхоһут Тимофей Васильевич Захаров-Чээбий төрөөбүтэ 150 сыла бэлиэтэннэ. Бу кэрэ даатаҕа “Ала Булкун бухатыыр” олоҥхото 300 экз. тиражтаах иккиһин бэчээттэнэн таҕыста. Олоҥхону бэчээккэ бэлэмнээтилэр биһиги үнүстүүппүт учууталлара тыл билимин дуоктара, бэрэпиэссэр В.В. Илларионов уонна тыл билимин хандьыдаата, дассыан Т.В. Илларионова. Олоҥхо бүтүннүүтэ нууччалыы тылбаастанна. Бу сүҥкэн үлэ тылбаас хаапыдыратын иһинэн оҥоһулунна. Олоҥхо тылбааһыгар үлэ хайдах барбытын билсиэҕиҥ:

«Тимофей Васильевич Захаров-Чээбий “Ала Булкун” олоҥхотун 2012 сыллаахха олоҥхо үнүстүүтүн сакааһынан тылбастаан саҕалаабыппыт. Онно РЯП-08 бөлөх устудьуоннара Гаврильева Ира, Попова Ангелла, Дягилева Оляна, Соловьева Диалектина, Макарова Варя олоҥхо аҥаарын тылбаастаабыттара. Салҕыы “Тылбаас кэрэ эйгэтэ” диэн научнай куруһуок оҕолоро, чуолаан 4 куурустар уонна 2 куурус магистраннара үлэлэспиттэрэ: Бурцева Алина, Сидорова Сандаара, Игнатьева Зина, Олесова Маша, Данилова Сардаана, Никанорова Алена. Чаас-чаас аҥаардаһан, хаста да төхтүрүйэн, ирдэбилгэ олоҕуран тылбаастаабыттара. Манна үлэлээн устудьуоннар улахан уопуту ыллылар. Тылбааһы учууталлар Ирина Владимировна Собакина, Акулина Александровна Васильева эрэдээксийэлээтилэр. Устудьуоннарбыт бу үлэлэринэн сарсын, сэтинньи 30 күнүгэр Чээбий төрөөбүтэ 150 сылыгар аналлаах «ЭПИЧЕСКОЕ НАСЛЕДИЕ В УСЛОВИЯХ ТРАНСФОРМАЦИИ СОЦИОКУЛЬТУРНОГО ПРОСТРАНСТВА» диэн өрөспүүбүлүкэтээҕи кэмпириэнсийэҕэ кыттыахтара, үлэлэрин билиһиннэриэхтэрэ», - диэн кэпсээтэ тыл билимин хандьыдаата, дассыан И.В. Собакина.