М.К.Аммосов аатынан Хотугулуу-Илиҥҥи бэдэрээлинэй үнүбэрситиэт

АБ Хотугулуу-Илиҥҥи норуоттарын тылларын уонна култуураларын үнүстүүтэ

Саха тылын истилиистикэтин уонна нууччалыы-сахалыы тылбаас хаапыдырата

“Билиҥҥи саха тыла: тыл истилиистикэтэ уонна нууччалыы-сахалыы тылбаас” билим-үөрэтэр лабаратыарыйата

«Саха» национальнай көрдөрөр-иһитиннэрэр хампаанньа

ИҺИТИННЭРИИ СУРУК

Күндү биир идэлээхтэрбит!

“САХА ТЫЛА – ИҺИТИННЭРЭР-БИЛЛЭРЭР ЭЙГЭҔЭ”

Саха тэлэбиидэнньэтин 55-с сылыгар аналлаах

өрөспүүбүлүкэтээҕи билим

II кэмпириэнсийэҕэ кыттыыны ыларгытыгар ыҥырабыт

Кэмпириэнсийэ буолар күнэ-дьыла: 2018 сыл, сэтинньи 24 күнэ

Ыытыллар сирэ: Дьокуускай к., Кулаковскай уул. 42, үөрэх кылаабынай куорпуһа.

Кэмпириэнсийэ сыала – саха тыла иһитиннэрэр-биллэрэр эйгэҕэ туттуллуутун сайыннарыы уонна тарҕатыы, өрөспүүбүлүкэҕэ икки тылынан саҥарыы, суруйуу култууратын үрдэтии.

Кэмпириэнсийэ билим тэрээһинэ саха тылын билиҥҥи туругун, уопсастыба тылынан таһымын, сахалыы иһитиннэрэр-биллэрэр эйгэҕэ тыл туттуллар уратытын, ыччат тылыгар-өһүгэр Интэриниэт сабыдыалын ырытар, сонуну тарҕатар эйгэ уустук боппуруостарын быһаарар соруктаах.

Кэмпириэнсийэ үлэтин сүрүн хайысхалара:

1.         Саха билиҥҥи тылын литературнай нуормата олохсуйарыгар уонна тыл-өс туттуллуутугар иһитиннэрэр-биллэрэр эйгэ суолтата;

2.         Иһитиннэрэр-биллэрэр эйгэҕэ тылбаас кыһалҕата;

3.         Саха тыла Интэриниэт ситимигэр.

Кэмпириэнсийэҕэ кыттыы көрүҥэ:

- сирэй;

- кэтэхтэн.

Кэмпириэнсийэ ханнык тылынан барара: сахалыы, нууччалыы.

Кэмпириэнсийэ тиэсистэрэ “Саха” НКИХ, пресс-сулууспа үлэһиттэригэр, тыл үөрэхтээхтэригэр уонна саха тылын култууратын интэриэһиргиир дьоҥҥо аналлаах «Саха тылын – иһитиннэрэр-биллэрэр эйгэҕэ туттуу» хомуурунньукка бэчээттэниэхтэрэ.

Кэмпириэнсийэҕэ сирэй кыттыан баҕалаах дьон 2018 с. сэтинньи 10 күнүгэр диэри сайаапкаҕытын, сэтинньи 15 күнүгэр диэри дакылааккыт тиэсиһин, сэтинньи 30 күнүгэр диэри ыстатыйаҕытын (халыыбы тутуһан толоруҥ) маннык аадырыска ыытыҥ: konfsmi2018@mail.ru

1 №-дээх сыһыарыы

Сайаапка холобура

САЙААПКА (табылыыссаны туттумаҥ):

Араспаанньата, аата, аҕатын аата (толору)

Учуонай истиэпэнэ, сыбаанньата

Үлэлиир сирэ, дуоһунаһа

Олорор сирин аадырыһа

Төлөпүөнэ

Электроннай аадырыһа

Ханнык хайысхаҕа кыттара (кэмпириэнсийэ хайысхаларыттан)

Кыттыы көрүҥэ (сирэй/кэтэхтэн)

Ыстатыйаны суруйуу ирдэбилэ

Бурцева Алина Анатолиевна,

НСТ-15 салаатын 4 кууруһун устудьуона

“WHATSAPP” СИТИМИГЭР КЭПСЭТИИ ТЫЛЫН-ӨҺҮН УРАТЫ БЭЛИЭЛЭРЭ

        Тиэсис кээмэйэ 2-3 сирэй, кытыылара: үөһэттэн, аллараттан 2 см, уҥа, хаҥас кытыыттан – 2 см, сириибэ – Times New Roman, сириибин кээмэйэ – 12, икки арда – 1,1; апсаас тэйиитэ – 1,25, кытыытын кэтитинэн тэҥниибит, көһөрүү туттуллубат; сигэнии тиэкис иһигэр квадрат ускуопкаҕа суруллар: [1, с. 45]. Бастакы сирэйгэ уҥа муннукка ааптар араспаанньата, аата ыйыллар, үлэлиир/үөрэнэр сирэ, биир устуруоканы аллара түһэн баран, улахан буукубаларынан ортотугар дакылаат аата суруллар.

Билсэр аадырыскыт: 677000, Дьокуускай к., Кулаковскай уул. 42, ХИБҮ үөрэх кылаабынай куорпуһа, АБ Хотугулуу-Илиҥҥи норуоттар тылларын уонна култуураларын үнүстүүтэ, 219 хос.

E-mail: konfsmi2018@mail.ru

Төл.: 8(4112) 496-750

“САХА ТЫЛА – ИҺИТИННЭРЭР-БИЛЛЭРЭР ЭЙГЭҔЭ” Саха тэлэбиидэнньэтин 55-с сылыгар аналлаах өрөспүүбүлүкэтээҕи билим II кэмпириэнсийэ балаһыанньата

“САХА ТЫЛА – ИҺИТИННЭРЭР-БИЛЛЭРЭР ЭЙГЭҔЭ”  Саха тэлэбиидэнньэтин 55-с сылыгар аналлаах өрөспүүбүлүкэтээҕи кэмпириэнсийэ бирикээһэ