Новости

Профориентация үлэтэ

  • 13 Ноября 2018
  • 423

Профориентация үлэтэ

Сэтинньи 12 күнүгэр «Айыы Кыһата» оскуолаҕа П.А.Ойуунускай төрөөбүтэ 125 сылыгар аналлаах «Ойуунускай саха норуотун куолаһа» диэн үрдүкү сүһүөх оҕолорун сэһэргэһиитэ, санаа тастаһыыта буолан ааста. Диспут-дьарыкка учууталлар, биһиги үнүстүүппүт устудьуоннара кытыннылар.
Дьарык үс түһүмэхтээх ааста. Ол курдук:
1 түһүмэх: «Ойуунускай олоҕун сүрүн кэрдиис кэмэ».
2 түһүмэх: «Ойуунускай олоҕу анаарыыта» («Улуу Кудаҥса», «Кыһыл Ойуун» айымньыларынан).
3 түһүмэх: «Ойуунускай норуотугар анаабыт уустук олоҕо».
Тэрээһин поэт хоһоонун ааҕыытынан саҕаланна. Бу дьарыкка оҕолор, ыалдьыттар П.А.Ойуунускай олоҕун, айар үлэтин, айымньыларын туһунан сиһилии кэпсэттилэр, санаа атастастылар. Үөрэнээччилэр суруйааччы айымньыларын олус бэрткэ ырытыстылар, санааларын сайаҕастык эттилэр. Түмүккэ Ойуунускай сиэн балта Елена Слепцова-Куорсуннаах Ойуунускай тус олоҕун туһунан кэпсээтэ. Татьяна Ниловна Васильева, филология билимин хандьыдаата, ХИФУ дассыана Ойуунускай литэрэтиирэҕэ үлэтин оҕолорго сырдатта.
Бу тэрээһин профориентацияҕа ананна.

Автор: «Ийэ тыл» пресс-киин

Разрешено копирование статей, только при наличии активной (кликабельной) ссылки на страницу-источник сайта Северо-Восточного федерального университета. Ссылка должна находиться непосредственно рядом с материалом, должна быть видимой и прямой (без использования java-скриптов).