Новости

Билими кытта билсиһии

  • 27 Сентября 2018
  • 337

Билими кытта билсиһии

Балаҕан ыйын 24-28 күннэригэр үнүстүүккэ быйыл саҥа үөрэнэ кэлбит бастакы куурус устудьуоннарыгар аналлаах "Введение в курс молодого исследователя" диэн ааттаах семинардар ыытылла тураллар. Бу семинарга билим туһунан ыҥырыллыбыт ыалдьыттар кэлэн кэпсииллэр. Холобура, Алина Васильева билим салалтатын үлэһитэ семинарга грант туһунан кэпсиир эбит. Оттон Александра Черкашина устудьуоннарга бизнес-инкубатор диэн тугун, ону таһынан үөрэнэ сылдьан билиминэн хайдах дьарыктаныахха сөбүн сырдатар. Мария Герасимова устудьуоннар билим уопсастыбаларын (СНО) бэрэсэдээтэлэ билим эйгэтигэр хайдах ситиһиилээх буоллуохха сөбүн туһунан билиһиннэрэр.

Семинар тиэмэлэрэ: "Наука эйгэтигэр бастакы хардыылар", "Научнай куонкурустарга, граннарга уонна араас бырагырааммаларга хайдах ситиһиилээхтик кыттыахха сөбүй?", "Научнай ыстатыйалары хайдах суруйуохха сөбүй?", "Интеллектуальнай собственность уонна патеннарга сайаапкалары суруйуу", "Устудьуоннары инновационнай үлэҕэ сыһыарыы", "Анал истипиэндьийэлэр туһунан билиһиннэрии", "Научнай уопсастыба туһунан", "Наукаҕа сыһыаннаах сүрүн тэрээһиннэр тустарынан".

Семинардар туһалаах, көдьүүстээх уонна тиийимтиэ буолалларыгар анаан хаапыдыраларынан тус-туспа ыытыллаллар. Хас биирдии устудьуоҥҥа маннык тэрээһин суолталаах уонна наадалаах. Билим эйгэтигэр сөптөөх суолу таларга көмөлөһөр. Семинар үөрэх дьылын саҕаланыыта ыытыллара олус тоҕоостоох.

Автор: Туяра Протасова, ЛҮ-16 бөлөх 3 кууруһун устудьуона «Ийэ тыл» пресс киин

Разрешено копирование статей, только при наличии активной (кликабельной) ссылки на страницу-источник сайта Северо-Восточного федерального университета. Ссылка должна находиться непосредственно рядом с материалом, должна быть видимой и прямой (без использования java-скриптов).