-
-
1070
14.02.2017 09:58:29 - Распечатать
Биһиги үнүстүүппүтүгэр олунньу 6-13 күннэригэр саха тылын нэдиэлэтэ буола турар. Ол чэрчитинэн олунньу 8 күнүгэр “Тыл оонньуута” диэн күрэх буолан ааста.
Бу куонкуруска араас куурустан биэстии киһилээх аҕыс хамаанда кытынна. Куонкурус алта түһүмэҕинэн ыытыллынна: 1) тылга сыһыаннаах ыйытыылар; 2) ырыаны таайыы; 3) хартыыналар ааттарын уонна худуоһунньуктарын таайыы; 4) рунанан суруйуу; 5) хартыынаҕа көрдөрүллүбүт эргэрбит тыллары таайыы; 6) киинэлэртэн быһа тардыыны көрөн ааттарын таайыы.
Түмүккэ бастакы миэстэни саха тылын хаапыдыратын устудьуоннарын хамаандата, иккис миэстэни саха литэрэтиирэтин хаапыдыратын устудьуоннарын хамаандата, үһүс миэстэни фольклор хаапыдыратын устудьуоннарын хамаандата ыллылар. Куонкуруһу ырыа-тойук киэргэттэ. Тэрээһин олус үчүгэйдик уонна интэриэһинэйдик ааста. Куонкурустан устудьуоннар төрөөбүт тылбыт, култуурабыт туһунан билиибитин хаҥатан бардыбыт. Оттон хамаанданан күрэх түмсүүлээх буоларга иитэр.